बबईमा डुबेर एकको मृत्यु, एक बेपत्ता

दाङ, ३० असार ।

पश्चिम दाङको बबई नदीमा पौडी खेल्ने क्रममा डुबेर तुलसीपुरका एक किशोरको मृत्यु भएको छ भने अर्का एकजना बेपत्ता छन्।

बबई गाउँपालिका–४ पुरन्धारा छहरा नजिकै बबई नदीमा पौडी खेल्ने क्रममा उनीहरू डुबेर बेपत्ता भएका हुन् ।

बेपत्ता भएकामध्ये तुलसीपुर उपमहानगरपालिका–२ निवासी १७ वर्षीय बिधान केसीको शव फेला परेको छ भने १६ वर्षीय कुशल बुढामगरको खोजी भइरहेको प्रहरीले बताएको छ।

साथीहरूसँग पौडी खेल्न गएका उनीहरू नदीमा डुबेर हराएको जिल्ला प्रहरी कार्यालय दाङले जनाएको छ।