देवदहमा माइक्रोबसको ठक्करबाट २ युवा घाइते
२०८२ साउन ७ गते बुधवार प्रकाशित
रुपन्देहीको देवदह नगरपालिका–७ मिलनचोकमा बुधबार दिउँसो माइक्रोबसले स्कुटरलाई ठक्कर दिँदा दुई युवा घाइते भएका छन्।
बर्दघाटबाट बुटवलतर्फ जाँदै गरेको लु २ ख ८४५ नम्बरको माइक्रोबसले लु ७५ प ४९३० नम्बरको स्कुटरलाई ठक्कर दिएको थियो।
दुर्घटनामा देवदह–४ का १८ वर्षीय सन्देश भोर्तेल र १६ वर्षीय अन्वेस श्रेष्ठ घाइते भएका हुन्।
घाइते दुवै जनाको अवस्था मध्यम रहेको र उनीहरूलाई उपचारका लागि देवदह मेडिकल कलेज, भलुही पठाइएको प्रहरीले जनाएको छ।
प्रकाशित मिति : २०८२ साउन ७ गते बुधवार