टरिगाउँ विमानस्थल विस्तार हुने
२०८१ पुष ७ गते आइतवार प्रकाशित
दाङ ।
दाङको तुलसीपुरमा रहेको टरिगाउँ विमानस्थल विस्तार गर्ने गरी प्रक्रिया अघि बढेको छ ।
लुम्बिनी प्रदेशका पूर्व मुख्यमन्त्री एवं नेकपा (एमाले) का महासचिव शंकर पोखरेल र पूर्व सिँचाई मन्त्री एवं दाङ निर्वाचन क्षेत्र नम्बर ३ का प्रतिनिधिसभा सदस्य तथा नेपाली कांग्रेसका नेता दीपक गिरीले संस्कृति पर्यटन तथा नागरिक उड्यान मन्त्री बद्रीप्रसाद पाण्डेयलाई भेटेर टरीगाउँ विमानस्थल धावन मार्गको स्तरउन्नतिका लागि छलफल गर्नुभएको छ ।
भेटमा विमानस्थलको धावन मार्ग विस्तारका लागि लाग्ने बजेट, आवश्यक जग्गा व्यवस्थापन लगायतका विषयमा छलफल भएको छ ।
उहाँहरुले मन्त्रीलाई डिपिआरको विस्तृत रिपोर्ट पनि पेश गर्नुभएको छ ।
नेताहरूको छलफलपछि मन्त्री पाण्डेयले विमानस्थल विस्तारका लागि आवश्यक बजेट विनियोजनको प्रक्रिया अगाडि बढाइने जानकारी दिनुभयो ।
प्रकाशित मिति : २०८१ पुष ७ गते आइतवार