प्रधानमन्त्री कार्की अव टिकटकमा पनि

काठमाडौँ ।

प्रधानमन्त्री सुशीला कार्कीले आफ्नो आधिकारिक टिकटक अकाउन्ट खोलेकी छन् । सोमबारदेखि प्रधानमन्त्री कार्कीको टिकटक आइडी सञ्चालनमा आएको उनको सचिवालयले जनाएको हो । 

नक्कली अकाउन्टको बिगबिगी भएपछि प्रधानमन्त्री तथा मन्त्रीपरिषद्को कार्यालयले प्रधानमन्त्री कार्कीको आधिकारिक सामाजिक सञ्जाल अकाउन्ट सार्वजनिक गरेको थियो । जसअनुसार प्रधानमन्त्री कार्यालयले कार्कीको एक्स, फेसबुक र इन्स्टाग्राम अकाउन्ट यसअघि नै सञ्चालनमा ल्याइसकेको छ । 

अब भने प्रधानमन्त्री कार्कीको आधिकारिक टिकटक एकाउन्ट पनि थपिएको छ । यो समाचार तयार पार्दासम्म प्रधानमन्त्री कार्कीको टिकटक एकाउन्टमा १० वटा भिडिओसहितका पोस्ट अपलोड गरिएका छन् ।